姚珏落區巡演　推廣古典音樂

世界著名小提琴家姚珏帶領香港弦樂團在中環港鐵站巡迴表演，吸引不少途人圍觀。除了在中環站演出外，還會到大圍及油塘站將廣為人知的音樂帶給香港市民，她說：「今日呢個快閃活動想將音樂帶到唔同區，每一個角落，所以今日揀咗三個地方演出。其實本來想走遍18區，但冇時間，睇吓下次有機會就去晒18區演出。」姚珏表示今次是第三次在港鐵站演出，又用了差不多一年時間籌備這個演出，她說：「上一個Season比較忙，而暑假係小朋友最開心嘅時間，想趁呢個時候開始。」

問到在港鐵站跟音樂廳演出有什麼不同感受，她認為最大分別就是能夠更近距離接觸觀眾，她說：「音樂廳距離比較遠，但呢度可以畀樂手更能夠感受觀眾反應，佢哋熱情反應會感動到樂手去表達音樂，有更大交流。」姚珏又鼓勵樂團年輕樂手都要有這種感覺，她說：「唔單止喺度演出，我哋仲會去唔同社區推廣古典音樂，又可以將音樂嘅樂趣帶畀香港市民。（會唔會想舉行多啲呢種巡演？）都希望，我覺得音樂係從生活出來，想更靠近市民生活一部分，亦係樂團嘅一種使命。」她透露10月會跟賽馬會合作，繼續在社區推廣古典音樂，會演奏大家耳熟能詳的經典作品讓市民有更大體會。

此外，姚珏兩名囡囡大女Bella和細女Clara現時分別20歲及14歲。問到大女現時感情生活，她說：「未拍拖。（唔畀佢拍？）都唔係，佢好鍾意讀書，佢搵到自己鍾意都可以拍拖，但佢想全力專注讀書先。」