動漫：張沛樂扮狗嗲仔「想磨練演技」

宅男女神「沙律」張沛樂、「咪神」陳偉琪（Vicky）及索模楊舒婷（Sadelle）到會展出席《第19屆動漫電玩節》活動，宣傳VR虛擬女友遊戲，三女鬥騷長腿，沙律身穿小低胸連身裙略騷事業線，即場獻唱一曲《小幸運》，略見緊張，接連兩次入錯歌，但歌喉不俗。

沙律在遊戲中扮演一隻小狗，之後化身為人上演一段向男主人報恩的故事，遊戲中她要經常扮可愛，沙律自嘲平日性格Man爆，今次要以天真形象示人，自己也接受不了：「平時我比較男仔頭，就算對住男友都係多少少小鳥依人，所以叫我扮嗲都有啲難度！（男朋友玩過呢個遊戲未？）未呀！我哋都好期待，我估佢應該會頂唔順，會笑我！不過明白係角色啫！對象係觀眾。（佢有冇要求你扮嗲？）冇喎！其實我有時仲Man過佢。」

提到遊戲內有穿泳衣晒E Cup身材的場面，問會否恐怕成為玩家性幻想對象？沙律搞笑說：「我係一隻可愛天真嘅狗仔，咩都冇諗，其實我接呢個工作係想磨練演技，有幾可可以扮狗呀！」講到在台上連環入錯歌，沙律解釋並非怯場，只是因為前奏有雞聲，而且並非練開的版本所致。

另外，大會宣布重金禮聘邀請日本一線AV女優三上悠亞成為下一位虛擬女友，並廣招粉絲投稿「點唱」，寫出想跟三上悠亞發展的故事劇情。

------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/7Eau88