初戀膽粗粗追女　張彥博三日即被飛

近日於無綫新劇《超時空男臣》演明朝太子的張彥博，憑劇集人氣急升，最近獲健康食品品牌邀請任代言人，早前他抽空拍攝廣告片，飾演便利店店員的阿博，於現場不斷起身坐低之餘，更搬搬抬抬，雖然拍攝當日氣溫高達36度，但阿博仍落力配合，於鏡頭前做出各式各樣傻更更表情，令廣告商大為滿意。

而阿博更親自為廣告撰寫及彈奏配樂，對於拍攝趣事，他笑謂：「以前嘅我真係好似廣告入面咁憨居居，未見過世面又學人膽粗粗追女仔，結果初戀只係拍咗三日就畀人飛咗！因為我太悶，對方係我同學，記得拍拖第三日約佢出街睇騷，食完飯送個女仔返柴灣屋企時，佢就甩開我隻手話要專心學業，勁傷心！」