視郭鋒為家人　黃浩然：想畀正能量佢

藝人黃浩然於將軍澳電視城出席新劇《果欄中的江湖大嫂》開鏡拜神，他透露於劇中與岑麗香有感情線，不會感到尷尬，但笑言應該不會與老婆收看。

提到日前出席藝人歐陽珮珊的喪禮，他透露歐陽珮珊離世後，每兩、三日便會致電郭鋒問候：「佢有兩、三次喺劇裏面做我阿爸，畀好多正能量我。我一入嚟TVB唔習慣，佢畀好多做人同演戲嘅意見我。依家佢冇正能量，當然要畀番佢。（佢情緒仲好低落？）好好多，件事完結咗，歐陽珮珊都入土為安。（佢返咗屋企？）唔知，但有同佢傾偈，當佢係屋企人嘅前輩，都關心佢嘅情緒。」

對於郭鋒的過繼兒子嘉輝日前現身靈堂，他表示未有機會向對方了解：「留畀佢自己交代，佢覺得唔方便講，都尊重番佢。但依家畀啲空間佢，唔好騷擾佢。」