教苟芸慧肉嘴擺甫士　陸漢洋：一定會結婚

藝人苟芸慧（苟姑娘）與賽車手男友陸漢洋經常被追問婚期，日前，苟姑娘出活動時被問及此事，她表示交由男友發表。今日，二人出席賽車活動記者會，當大家以為陸漢洋宣布婚期時，陸漢洋即搞笑說，只是大會宣布苟姑娘任賽車大使，並強調已決定與苟姑娘結婚：「一定會結婚。（揀好日子？）未。（求婚未？）太私人，唔講你哋知，留Surprise 。」苟姑娘直言不心急。

陸漢洋表示二人已有共識，一直都有傾：「人物定咗，腦海準備地點，會尊重佢，佢父母親戚都喺加拿大，一定會去。香港多朋友走唔甩，細節未諗，想畀最好佢，最甜蜜、最難忘婚禮。」苟姑娘即冧爆讚男友平時已經好浪漫。被女神一讚，陸漢洋超開心說：「嘩！今日你讚我，有你哋（記者）喺度（佢）對我會好啲。」

苟姑娘自爆似苑瓊丹

而苟姑娘亦大爆早前拍唇膏廣告獲男友教擺嘴唇甫士，除了賽車外，硬照上都給予意見：「佢係賽車手好型，但教我嘴嘅動作，好Sweet，雖然啲相冇用到，但感覺同平時唔同，有人話我啲相唔似我，似苑瓊丹。」

問二人經常練習錫嘴仔？陸漢洋說：「情侶Kiss好正常，佢好靚，平時唔使做表情都得，所以我用平時上台方法去教佢，希望再有機會，佢需要信任嘅人幫。」他又謂女友賽車時圈速快，令他開始擔心，更大讚與專業車手相差不太遠。最後他不忘賣口乖希望獲大會送上賽車的花車作婚禮之用。