被揭私竇密會　連詩雅唔排除與徐浩翻撻

歌手連詩雅（Shiga）被東網影到翻撻音樂人徐浩，趁男方上月24日生日前一日，兩人下午更結伴到元朗私竇慶生，直至凌晨約四時仍未見他們離開。對此Shiga透過電話回覆記者，表示兩人是好朋友及工作好拍檔，並謂大家約去街是正常社交，私人事不想講太多，但未有否認沒有發展機會：「現在我和他仍然是單身，但都冇話冇可能，我只希望我，他和每一位單身的朋友都幸福快樂。其他嘅嘢就隨緣吧。最近都忙於演唱會宣傳同排練，所以都沒有時間諗咁多，但好多謝各位朋友為我的感情事着緊，我會加油啦！」至於徐浩就表示不作回覆。