Julio@Soler九月意大利開騷：唱中文歌

組合Soler成員Julio到鰂魚涌出席鼓手節活動，坦言每天盡量練鼓1至2小時，增強節奏感，這有助彈Bass時的感覺：「練到雙手同兩邊腦平衡，好似打坐咁。（想表演？）好希望，但我未夠班，如果有人夾Band爭個鼓手想搵我，我都可以試吓，會好開心、好滿足。」

Julio正在準備大碟及構思9月底到意大利舉行音樂會：「唱畀意大利人聽，最多兩首意大利文，其他就中文同英文歌，想平衡番，終於有機會用中文唱畀佢哋聽。」他又表示要想清楚甚麼歌能適合觀眾，但觀眾應該未知他們會唱中文歌：「我唔理啦，應該OK。開一場，如果OK會繼續去其他地方開。（室內場？）好似音樂學院劇院，有500年歷史，係受保護嘅古蹟。」Julio指弟弟Dino正和家人度假至8月底，放假放得好開心，連工作都不想講，他自己就可能過年才放假：「依家咪去吓沙灘同行山，我有兩隻狗嘛，做吓健康活動。」