與周董乒戰打空氣　揭馬龍係蕭敬騰老竇

近日，網上瘋傳一條短片，見台灣樂壇巨人周杰倫約世界乒壇一哥馬龍打乒乓波，兩人組成一隊打雙打，聽到有人嗌3、2、1打，見兩位一哥就出用力打，你飛身我扣殺，板板致命，但對手好強韌，打極都唔死！「咪住」佢哋打得咁激點解唔見個乒乓波嘅，唔通打得太快睇唔到，哦……查實佢哋喺度打空氣。

原來國乒隊長馬龍應周杰倫監製的新片《靠譜兄弟》客串飾演一角，馬龍說：「通過這次短暫的拍攝以及電影的影響力，能有更多的人關注和參與到乒乓球運動。」據悉，馬龍飾演周杰倫年輕時的好友，二人同是乒乓球高手，而有「雨神」封號的台灣歌手蕭敬騰就扮演馬龍的兒子，該片現時仍在福建拍攝中。

至於周杰倫與馬龍在乒球桌上打空氣的片段，其實係特技，要做後期製作加番個乒乓波上去嘅！