墓碑穿崩！阿叻演細自己21年角色

藝人馬國明有份主演嘅劇集《賭城群英會》尋晚大結局，飾演OK仔嘅佢同施小東（佘詩曼飾演）嘅感情戲當然備受觸目，不過其中一幕馬國明去到師傅莊坦承（陳百祥飾演）同師母洛璧琦（陳法蓉飾演）墳前盡訴心中情，同樣引起網民熱烈討論！

事關墓碑顯示莊坦承生於1971年，而洛璧琦就生於1973年，但其實現實中嘅陳百祥（阿叻）係1950年出世，網民都話叻哥飾演足足細自己21年嘅角色，真係少啲演技都唔得！另一樣令網民關注嘅係現實中嘅馬國明係1974年出世，換言之叻哥只係大馬國明3年，而陳法蓉就只係大馬國明1年，年齡上真係好接近，有網民就話呢個只係「數字遊戲」嚟嘅，叫大家唔使咁認真喎！