MC Jin除面具見真身　學拼音用中文Rap

內地節目《中國有嘻哈》自播出以來成為熱話，當中最觸目莫過於神秘人「Hip Hop Man」的身份，雖然大家都猜測是MC Jin（歐陽靖），但他卻一直未有承認。昨晚播出的新一集，Hip Hop Man成功加入吳亦凡戰隊，並除下面具！其他參賽者看到MC Jin後非常激動，做出跪拜動作，MC Jin說：「看到他們的反應讓我很感動，我要真正做《中國有嘻哈》的一份子，真的要努力！」

學普通話挑戰自己

MC Jin日前接受東網訪問時透露，劇組起初想邀請他任評判，但他想推廣中國的Hip Hop文化發展及挑戰自己故選擇參賽，更沒有想過因而再度爆紅。問到為何戴上面具？他自言從零開始：「將身份放低，面具後係邊個根本唔重要，無論咩語言都好，最重要係代表所有熱愛Hip Hop嘅人！」近月才開始學普通話的他，特別找來中文老師從拼音學起，挑戰自己。

有火花先多人睇

提到早前MC HotDog與潘瑋柏批評他Rap的時候太多英文，MC Jin力撐對方無意攻擊，只是節目效果：「自己都認同要有多啲中文，好Unfortunately（不幸地）社會同呢個世界就係愈有火愈多人睇！Hip Hop係外國文化，但喺呢個平台上少啲英文係合理。」提到吳亦凡指Hip Hop Man絕對可以取代評判位置，他坦言就算脫掉面具，在內地都未必有人識。

5歲囝囝都識Rap

談到近日有港迷瘋傳他多年前的Battle片段，他直言感驕傲：「因為自己嘅根喺香港！（返港發展？）目標唔係話要點發展，單純係為Hip Hop！」此外，他在節目中透露囝囝「小老闆」平時都稱呼他為「Hip Hop Man」，故以此外號出戰。問到可有跟5歲的囝囝一齊Rap？他說：「梗係有啦，佢都幾Hip Hop！」

場地提供：都會海逸酒店