借啲意？陳偉霆自拍車房豪晒辣跑

藝人陳偉霆（William）喺內地大受歡迎，吸金力強勁，最近擔正演出嘅內地劇《醉玲瓏》仲廣受好評，人氣一時無兩。不過，William仍不時抽空返港陪家人，同時打理吓屋企，呢日佢喺社交網分享自家車房裝修嘅情況，並留言：「車房完成了三分一。」

雖然William只係公開車房嘅一角，但睇相都覺得地方寬敞，連網友都忍唔住讚嘆個車房好大，仲話：「咁先得三分一？可想而知車房本身有幾大。」William嘅車房仲充滿藝術感，見到牆上畫有超級英雄嘅圖像，隔籬仲有一個「W」嘅英文字，相信係代表William，但「W」伴有一對天使混合魔鬼嘅翼，唔通William想話自己係天使與魔鬼嘅化身咁得意？

而另一重點係William大晒其名貴AUDI跑車，唔少粉絲都表示羨慕，紛紛留言大讚車房裝修得好靚之餘，架辣跑都好吸引，有人仲為咗親近偶像，自薦唔收錢幫手裝修車房，認真搞笑！