《玄學星相》：李旻芳適宜移民澳洲

「新一代咪神」李旻芳（Lucy）喺無綫節目《東張西望》擔任外景主持而成功入屋，工作更一浪接一浪，仲接連演出旅遊節目《3日2夜》。當中Lucy以火辣三點式上陣浸溫泉嘅場面引起網民關注，令Lucy人氣大升！事業發展不俗嘅Lucy，就希望可以嘗試多方面發展。究竟佢嚟緊嘅事業發展方向會唔會有咩變化？東網巨星推出嘅節目《玄學星相》，新一集就邀請到堪輿學家雲文子解答逐一Lucy嘅問題。

事業逐漸起步嘅Lucy，工作機會接踵而來，雲文子指佢嘅事業發展得相當唔錯：「李旻芳受『驚門』所生旺，因為『驚門』係代表一鳴驚人、威震四方，所以今年名氣方面會有好大提升，但係上半年都未係最旺，而且年中仲會有啲平滯，但去到年尾就會非常之旺，會有好多機會出現。」雲文子仲話Lucy好適合飾演一啲生活形式嘅喜劇，較易增加觀眾緣。

此外，Lucy認為香港生活節奏急速，佢就希望可以移民，過一啲舒適休閒嘅生活，雲文子就表示：「Lucy絕對適合過一啲休閒嘅生活，因為佢命宮臨『休門』，至於佢適合邊個方位，佢就適合南方，因為就有『九天』同埋『休門』所生旺，所以好似澳洲等地就最適合佢。」想繼續聽師傳點講？只要Click入東網巨星，睇《玄學星相》就更啱Feel！