爆乳轉移視線　何雁詩刻意遮前臂傷痕

歌手何雁詩（Stephanie）與男友鄭俊弘（Fred）及胡鴻鈞現身《華語金曲獎頒奬禮》紅地氈，而Stephanie就穿上一襲香檳金色的超低胸連身透視裙，爆乳上陣，早前被傳為情割脈的她，全程將左手貼埋身疑遮掩傷痕。

Fred另結新歡？

接受訪問時，提到兩人是否首次情侶檔出席頒獎禮，他們指之前有一起出席過無綫勁歌金曲優秀選。問到為何唔拖住手出場，Stephanie表示兩人分開出場，而Fred就話因為要拖住小朋友出場，Stephanie聞言即搶答謂：「佢拖住第二條女呀！」在旁的Fred就笑言個小朋友係男仔。講到女友咁性感，Fred支吾以對說：「係囉......」胡鴻鈞就指同Stephanie同車來到現場，笑言眼見對方咁性感，都要諗辦法如何搶fo。

唔知女友着得咁性感

至於問到Fred事前是否知道女友咁性感，佢話：「唔知㗎。（覺得佢好大膽？）呢啲係佢嘅選擇。（有冇睇吓有冇人望佢？）冇呀。」胡鴻鈞就大讚Stephanie大方得體，而Stephanie就搞笑話要分享吓。另外，談到Stephanie罕有地穿上透視手袖嘅長裙，不過全程都刻意夾住隻手，她說：「唔係所有嘢都要張開㗎嘛，要有小小矜持。」