可宜拍性感硬照突破框框

20170810
東網電視
更多新聞短片
可宜喺硬照中大騷美腿。

前有線主播可宜(Natalie)現時除咗做KOL之外,仲會接觸好多其他類型嘅工作,最近佢就首次擔任美容院代言人,佢好興奮咁話:「酬勞加贊助費好滿意,自己好開心,特別係美容院代言人,女仔都幾夢寐以求。」

Natalie今次仲破天荒以性感造型上陣拍攝宣傳照,大騷修長白滑美腿,Natalie表示:「有啲相都幾性感,當日拍攝時間相當長,拍咗十二個鐘,有唔同造型,跳出主持、主播框框。」見Natalie仲對鏡頭擺出嫵媚表情,對背負主播形象嘅佢嚟講真係一大突破!佢拍之前嗰個禮拜仲做足準備,她說:「有刻意注重皮膚保養,因為有好多大頭相,妝係好淡好淡,所以特別做多咗水分面膜,亦都有節食,希望以最佳狀態示人!」