玩到咁大！郭泇妏曾遭同學用西瓜刀架頸

香港歌手郭泇妏（Kaman）獲邀擔任網台訪問的嘉賓，在節目內無所不談，包括以前十幾歲時曾於旺角開設幾間男裝時裝店，當時年薪過百萬非常風光，不過亦揮霍無度，相比起當年，現階段賺錢較少，但反而學識用錢正確觀念。

講到讀書時候，Kaman自爆曾遭欺凌更要報警求助：「學校欺凌乜嘢年代都存在，我都經歷過，最嚴重一次有個同學用把西瓜刀『行』住我條頸，當時我真係好驚，雖然最後冇受傷，但係覺得啲同學真係玩大咗，所以最終都係報警處理。」講到近年發展，由內地發展回流香港的Kaman已經推出三首單曲，她透露計劃再做多兩首歌，便會準備推出實體碟。