Chris Pratt被爆與妻乜都鬥一餐

荷里活模範夫妻Chris Pratt與安妮費莉絲（Anna Faris）日前宣布離婚結束八年婚姻震驚荷里活，自消息傳出後，有關二人婚變的傳聞滿天飛，據知他們之間的問題已出現至少一年半，有知情者說：「佢哋之間競爭得好勁，喺派對，佢哋就爭邊個最搞笑，萬一唔夠對方就會好無安全感。」除了在派對上各施各法之外，事業上亦「鬥餐死」，Chris事業如日中天，相反多年來只係憑喜劇《搞乜鬼奪命雜作》（Scary Movie）系列走紅的安妮，其事業卻停滯不前。夫婦除了競爭之外，二人在宗教方面亦有分歧，據知Chris是虔誠基督徒，而安妮同樣是基督徒，但就好唔虔誠。