孫耀威自爆對住老婆硬晒軚

歌手孫耀威出席活動，新婚的他表示生活好寫意，笑言自我單人蜜月，老婆陳美詩（Macy）在外面工作開會：「成年冇放假，放縱自己，又食又睇戲，又出海，好寫意，老婆出去做嘢，我上岸。（自我繁殖？）唔係。」

他透露下星期去北京工作，而且有內地節目邀請他們夫妻檔出席，他說：「因為佢哋唔識我老婆，想佢出鏡，想我哋同台合唱，我哋兩個連卡拉ok都未試過一齊唱，呢個星期試吓我對住佢唱，睇吓唱唔唱到歌。（對佢唱會硬晒軚？）係，但我係身經百戰，對女仔演戲都得，但對老婆就唔知喇！」