增磅升Cup！陳嘉桓低胸晒線有睇頭

藝人陳嘉桓（Rose）與國藝公司老闆冼國林晚上在西九龍某酒店出席「海外學生仁濟夜2017」慈善餐舞會。明顯增磅的陳嘉桓帶挈身材升cup，穿起低胸晚裝特別有睇頭，她笑說：「我一肥身形就有變化。」

陳嘉桓透露將會到西藏二十日拍攝內地真人騷自駕遊節目，她說：「因為要去西藏，呢幾個禮拜停咗做運動，所以肥咗。自己好急，呢排嘗試將個人嘅節奏、講嘢放慢啲，因為話去西藏樣樣都要放慢，唔係好容易有高山反應。」

她又透露會帶罐頭、能量食品及氧氣樽到西藏以備不時之需，但拍攝要求只可以帶小型行李箱及一個背囊，故執行李也感頭痛。問到她可擔心到西藏會捱不住？她說：「依家盡量放慢啲，都應該OK。」陳嘉桓視今次西藏二十日之旅為排毒之旅，因未知是否習慣飲食，相信可趁機減磅。