馮盈盈認執劉佩玥二攤:配合公司安排

20170812
東網電視
更多新聞短片
都係聽公司話啫~~
港姐出身的馮盈盈、陳雅思及張寶兒今早到中環海濱出席公開活動。馮盈盈面上忽然有大粒青春痘,她解釋:「呢排開緊新劇《果欄中的江湖大嫂》,時間日夜顛倒,終於可以試食公司嘅消夜車仔檔,我相信係生理時鐘需要時間去適應啫,嚟緊我有心理準備24小時住喺錄影廠喇。(有傳你執劉佩玥二攤?)呢個報道一半真、一半假,我原本已獲派參演呢套劇,但的確係作出過角色調動。我哋只係配合公司安排,劉佩玥冇所謂嘅『計數』,可惜係我冇得同佢合作,本嚟大家都住沙田,我諗住收工齊齊call車慳番啲嘛。(唔介意話你執二攤?)我覺得幸運就真,好事嚟嘅。活動完咗我仲會去上調酒堂,盡量投入我酒吧老闆娘嘅角色。(咁邊個代你之前嘅角色?)唔清楚,可能最終角色都有刪減,唔想講錯。」
對於妹妹張寶欣被傳與「四眼男」拍拖,張寶兒代澄清:「據我所知唔係,佢冇拍拖,但佢同朋友嘅交情係點我唔清楚。」她透露近日自己有機會與周柏豪拍MV,令身邊姐妹羨慕不已。至於陳雅思則會繼馮盈盈後進組拍劇:「應該係9月左右,心情梗係緊張,我有搵私人老師教戲,花咗成兩萬蚊,好肉痛但物有所值嘅。」