老婆最安心！蔡瀚億內地拍劇冇時間曳曳

藝人蔡瀚億（BabyJohn）到電台受訪，表示上來分享自己興趣，他透露其實自己一直有學習日本茶道：「學咗4年，因為我好鍾意食嘢，鍾意食和子，所以就去學，太太都有一齊學。」講到他喜歡食嘢，那可懂得下廚？他笑言：「我淨係識食唔識煮，我乜都鍾意食。（但你食極都唔肥。）好啲㗎啦，睇番幾年前啲相，真係好瘦，依家叫好番好多。」講到工作，他透露八月中會同時開拍電影及劇集，其中電影在香港拍，但劇集就在內地拍，故要香港大陸兩邊走。

BabyJohn透露電影是警匪片，當中自己飾演專業人士，以前都做過類似角色，笑言：「仲記得以前開槍好似小學雞，但依家畀枝槍我都識㗎啦，今次都有駁火場面。」講到他一直有操fit身形，問到電影中可會騷肌？他表示：「暫時冇，原來呢個專業人士喺現實中係有衣服津貼，畀錢佢哋買衫着得好靚，所以我係着靚衫好過唔着。」他透露拍戲拍劇會一直忙到11月，問到豈不是沒有時間陪老婆？他表示希望忙完後可以抽空與老婆去旅行，問到老婆可會到內地探班？他謂：「唔會啦，佢上嚟都冇嘢做。（你會唔會乖乖哋？）冇得唔乖啦，日日咁拍法。」他亦謂今次是首次到內地工作這麼長時間，故打算帶個煲上去煮麵，免得食得太油膩。