幾間唱片公司傾合作 黃翊最怕簽長約

20170813
東網電視
更多新聞短片
黃翊話佢驚簽長約會冇機會玩囉!

歌手黃翊到將軍澳出席商場動漫活動,與動畫人物合照,又與粉絲合唱《龍珠》主題曲,吸引大批途人圍觀。有小粉絲點唱《最愛的你》,他大讚對方識貨。受訪時黃翊指兒子沒有到場,笑言很嬲:「佢入咗Camp玩幾日,佢12歲,我都要放心。之前傭人帶返學、放學,依家要自己返,叻仔㗎喇。」提到有幾間唱片公司想與他合作,他透露其中一間於內地的運作幾好:「我好有興趣,會再同呢間傾,希望傾得啱,落實先同大家講。我唱片已經錄咗一半,好快會打歌。」

驚簽長約會冇機會玩

至於選公司有何考慮?黃翊坦言不是後生仔:「我唔驚年期要簽好長,我唔係好似人哋咁有幾多個十年,我唔會有,所以一定要睇清楚、睇通透啲,覺得大家合作到先會簽。如果佢綁得我太耐,我驚我冇乜機會玩。」他強調對唱歌很有興趣,只是當時環境令他未能繼續,現在再有機會就很想做好些。說到於內地工作就較少時間陪家人,他表示沒辦法,但覺得自己的飲食生意已穩定,兒子又算長大,這時機很適合:「我太太同個仔都好支持我。(仔仔反叛期?)佢不嬲都好曳,反叛對我唔係咩事,佢成日都唔聽我講。」他指兒子知道自己是歌手後,父子關係親密了,話題多了,如果兒子想做歌手,亦會讓他自由發展:「想學咩就同我講,不過一定要認真學,如果佢放棄,我就唔會畀下一次。」