劉美娟梅小惠楊羚聚會晒素顏　網友嗌難得

藝人劉美娟喺微博上載同曾華倩、梅小惠以及楊羚嘅合照，四大昔日花旦聚首一堂，飲下酒傾下偈，仲要素顏上陣，真係令唔少網友嘅集體回憶出晒嚟！講起呢四位美女，原來真係有好大淵源，曾華倩、梅小惠以及楊羚當年有份拍劇集《公私三文治》而認識，而劉美娟就同梅小惠就參加健美小姐而認識，呢個咁微妙嘅組合，可以令到呢幾位美女咁友好，唔少網友都話好難得！

而今次梅小惠仲化身「禮物小姐」大派禮物，劉美娟留言：「開心相聚，謝謝曾華倩悉心安排令我們有一個愉快的晚上，也謝謝梅小惠送給我們美美的眼鏡。」