黎燕珊爆方中信百厭 莫可欣談李珊珊近況

20170814
東網電視
更多新聞短片
莫可欣在訪問中無所不談,大讚李珊珊有深度,而黎燕珊則稱讚方中信娶了個好老婆。
藝人莫可欣於旺角一間酒店拍攝奇妙電視節目《潮拜傲媽》最後一集,與主持黎燕珊分享育兒心得。
方中信有福氣
黎燕珊透露與莫可欣老公方中信早年拍攝電影時認識,更大爆當年方中信的百厭史:「嗰日平安夜佢嚟我度,我一開門佢成桶冰倒入嚟。」莫可欣則表示方中信從未整蠱過她:「我識佢嗰時已經好Cool,都冇同我講過笑。」但女兒就遺傳了方中信的蠱惑:「我個女都貪玩,佢依家好鍾意搵啲整蠱片。佢聽日開學,佢睇咗啲可樂溝鼓油嘅片,唔知佢會唔會整畀同學飲。(擔心學校投訴?)希望唔會。(有乜似你?)冇嘢似我,我比較硬朗,佢讀書叻唔叻仲未知。師傅話佢讀書叻,9歲會開竅。但佢都似佢老竇有幽默感。」而黎燕珊指方中信娶了莫可欣是福氣。
轉做全職媽媽
提到日前與無綫劇集《鑑證實錄》一班演員飯局,莫可欣坦言20年後相聚感到好開心,這是由林保怡及陳慧珊提議的:「好開心見番李珊珊,知佢之前好多新聞,佢精神幾好。拍劇嗰時我同陳慧珊多啲對手戲,同佢熟啲。但經過20年洗禮,大家成熟咗同互相欣賞,珊珊係一個好細心同有深度嘅女仔。今次20周年聚會有好多話題,好珍惜呢份友誼。都要多謝德哥(監製潘嘉德)。」
莫可欣表示已不太記得在無綫的五年工作過程,自嘲演技不太好,扮驚訝的表情可能拍50個Take都未收貨,當時已知道不適合在娛樂圈發展,所以轉做全職媽媽。