兩個開晒工仔女邊個湊？陳茵媺陳豪有共識

久未出現在幕前的陳茵媺（Aimee）現身清水灣一間學校，為英皇電影《日月星》開工，近年忙於湊三位仔女的她，今次復出拍戲直言興奮，雖然離家去工作時會捨不得家中的仔女，笑指小朋友想跟她一起返工，又會問她的職業。

距離上次拍戲已有兩年時間，她謂今次復工起初不習慣，但好快適應，而她在戲中飾演90年代的英文老師，教男主角原島大地正確的戀愛態度。

一直都有傾工作

談到老公陳豪忙於拍無綫劇《誇世代》，而她則要拍攝電影，家中的小寶貝可有人照顧？她說：「唔係，佢啱啱拍完，唔係話佢完先接嘅，好好彩，因為要有家長喺屋企照顧小朋友！（拍完呢部有排唔拍？）唔係，一路都傾緊工作，我都想拍呀，好耐冇拍啦！（同老公要夾時間拍戲？）要夾嘅！（佢湊到？）我諗佢enjoy，佢都拍咗成年戲，但其實湊小朋友仲攰，我都等咗好耐啦！」

每星期做四、五次運動

與無綫已完約的她，透露有傾過合作計劃，但會以家庭為前題，至於是否不會與陳豪合作？她說：「唔敢講唔會，睇機會同劇本！」談到收身，她謂現時一星期做四、五次運動，而且飲食習慣都改變了，認為磅數不重要，最重要是健康！