雷頌德揭黎明為歌迷冇錢收照唱:好偉大

20170816
東網電視
更多新聞短片
雷頌德揭露黎明不想廣州歌迷失望,就算個唱自己冇錢收都照唱。
音樂人雷頌德(Mark)接受電台訪問,談及有傳黎明(Leon)日前的廣州演唱會被拖600萬元人民幣(約700萬港元)製作費,身為演唱會音樂總監的Mark說:「唔知有冇得收,其實呢啲情況以前其他歌手都有發生,好多時係唔唱,多數返大陸做嘢香港藝人都係收咗錢先。我收到嘅消息就係嗰邊(廣州)提早咗賣飛,Fans已經買咗飛,所以冇得Cut。」
Mark坦言有好多歌手或者藝人當遇到這類事情時會立即停止工作,但黎明沒有這樣做:「有啲人會照Cut,但Leon想唱埋佢,因為已經8年冇喺廣州唱,呢個決定做得好。(啲錢收唔收得番?)好難講。(你有冇受影響?)我就冇,所以先覺得佢好偉大,佢有同我哋講,我哋會照收錢,得佢冇,所以佢好偉大,為咗Fans。」
他又認為今次只開兩場令情況變得較為複雜,以致有些尾數收唔齊,而稍後其他場次是開一場,應該已經收齊尾數。