見過原子鏸男友　鄭佩佩：佢鍾意就得！

影星鄭佩佩及女兒原子鏸到尖沙咀出席兒童音樂劇《木蘭從軍》記者會，兩人以嘉賓身份撐場，鄭佩佩表示近月忙於在大陸巡迴演出話劇，三個月內到了24個地方演出31場，直認辛苦：「有樣嘢好過拍戲拍劇嘅，因為唔使曬，不過兩者辛苦唔一樣，拍戲可以靠導演剪接，做話劇就唔可以NG，要背好多嘢，但發覺演得多肢體就會有記憶。」

而原子鏸表示有看過演出，戥媽咪辛苦，而她自己亦忙於籌備個人音樂舞台劇。講到感情生活，子鏸笑言OK，但不想多談。鄭佩佩表示有見過女兒男友，自己持開放態度：「個女鍾意就得，相信佢會喺啱嘅時間遇到啱嘅人。」問何時結婚？原子鏸說：「有感覺嘅話到時就會知道，身邊好多朋友都係單身，覺得拍拖最緊要舒服、唔辛苦。」