港姐：森美想搵17歲邱晴做「新抱仔」

藝人森美在馬鞍山主持無綫《2017香港小姐競選》之「決鬥一分鐘」活動，在台上耍一班佳麗玩各式遊戲。期間，他在台上指自己仔仔比起年紀最輕、僅17歲的6號邱晴（Mandy）只細幾歲，可以做他的「新抱仔」，非常搞笑。他訪問時便笑指今年決賽好易做，因為有不少趣點，包括有兩個佳麗不諳廣東話：「仲有一個識廣州話都講唔正（指張寶欣）！」記者笑他在台上搵新抱，他即謂好欣賞Mandy不怕醜，在後台好主動找他自拍，又在傾談間得知對方都有學泰拳。

想着泳褲做主持

提到森美在台上指自己希望今年可以着住泳褲主持決賽，他即謂：「咁先Make Sense，佢哋着泳衣但我哋就成套西裝，會搞到我哋好尷尬，好似着錯衫咁！」當記者指陳百祥等着泳褲或會被投訴時，森美即笑謂：「咁係佢太索啫！」至於講到他「老點」廣東話唔叻的4號黃瑋琦「自認」鹹濕，他指自己不會玩得太過火：「適可而止啦，都會保持佢哋形象，『鹹濕』兩個字就畀佢哋講，『鹹濕嘢』就唔會畀佢哋講。」