李姿敏補擺酒狂晒鑽戒 老公兩度錫錫

20170819
東網電視
更多新聞短片
李姿敏同練馬師老公賀賢今日喺香港補擺婚宴!

29歲前港姐亞軍李姿敏與53歲練馬師老公賀賢於中環補擺婚宴,李姿敏與老公合照時勁晒手上的巨鑽戒指,手上又戴上鑽石手鍊、頸則配戴珠鏈,閃爆全場!賀賢更兩度錫老婆臉頰,相當恩愛!

二人早前已於澳洲簽字結婚,李姿敏謂與老公在香港多朋友,故想分享喜悅再補擺婚宴,當時於澳洲簽字時舉行了小型婚禮,大約80人出席,她說:「今次都係小型,擺25圍!(有冇斟茶儀式?)有,因為我親戚喺美國返嚟,所以做足啲,不過就冇接新娘,因為老公啲兄弟喺澳洲嚟唔到!」賀賢就笑指斟茶儀式猶如令他上了一課。

問到二人可有被催生仔,李姿敏謂在準備中,因他們都喜歡小朋友,至於想生仔定生女?她說:「如果有咗,反而唔想咁快知,咁樣有驚喜,自己想生仔先,咁樣有哥哥去照顧妹妹!」李姿敏亦表示與她同屆的港姐劉倩婷與熊穎詩早前有赴澳洲參加她的婚禮,今晚亦會出席婚宴。