跳住晒比堅尼　阿Sa勝在有長腿

歌手蔡卓妍（阿Sa）早排就話去咗加拿大開工，阿Sa爸仲特登飛咗去探佢，阿Sa放假就兩父女周圍去，不知幾開心。呢排阿Sa都不時都喺社交網上晒靚相，又去海灘又見到彩虹，睇相都覺得好正呀！

而今日阿Sa就激罕晒三點式靚相，向網友大派福利。阿Sa以綠色三點式上陣，擺出唔同嘅甫士，其中一張阿Sa仲嚟個小跳躍，夠晒飄逸！阿Sa雖然身材唔算突出，但勝在夠平均，佢仲晒出白滑長腿兼纖腰，依然一樣咁養眼，網友都大讚阿Sa非常索，仲話見到佢甜美嘅笑容都暈晒浪喇！