想搵酒店？靚仔黎學勤想進軍影壇

想搵酒店？相信大家對這個對白相當耳熟能詳。佢就係同高以翔撞樣的模特兒黎學勤（Jeffery）。黎學勤接受東網電話訪問時坦言對於跟高以翔一個形象正面的演員撞樣感到開心，他說：「佢係Top Model之餘又係荷里活演員，而且又健康成日做運動。能夠藉着高以翔而認識黎學勤係件好事，但識得黎學勤之餘可以再發現到有好多獨特地方。」

而廣告出街至今已經有九個月，Jeffery表示出街時都有很多人認得他：「佢哋會話你就係拍廣告嗰個，而見到我嘅時候都係笑住同開心，我都感到好滿足。起碼多一個渠道識到黎學勤，亦都好多客戶因為呢個廣告再搵我拍。又叫我喺廣告入面叫我加『記住』同埋廣告上同樣嘅語氣，同時多咗好多工作機會。」

聽到廣告上的語氣，大家可能認為Jeffery從小在外國長大。但其實他是一個土生土長香港人，他說：「其實係個廣告要求我用呢個口音！」談及近況，Jeffery現時忙於拍廣告及拍攝網絡電影，表示有意進軍影壇，最想跟謝霆鋒及林嘉欣合作。」