首情侶檔現身　男友視黃芷晴為結婚對象

黃日華女兒黃芷晴與男友Jimmy出席《大家樂壇2017》街頭音樂會，他們表示是首次情侶檔出席公開活動，酬勞不俗。問到情侶檔是否酬勞更高？芷晴說：「咁要靠佢喇，但兩個人出騷嘅錢我會儲起佢嘅。（結婚？）要問佢喇，其實我都係想養成儲錢習慣啫。」在旁的Jimmy則尬尷地笑。問到Jimmy可習慣出活動？他說：「都慣嘅，陪住佢都OK。」

兩人已拍拖一年零三個月，Jimmy謂視對方為結婚對象。問到覺得芷晴有咩好？他賣口乖說：「乜都好！（佢之前成日買衫畀你幫你襯衫？）因為我自己唔識襯衫，所以交畀佢。（畀晒啲錢佢？）係呀，啲錢都交晒畀佢。」芷晴即笑說：「係咩係咩？」至於兩人今日為何不穿情侶裝現身？芷晴謂因為要配合大會着白色及黃色衫：「我啲白色連身裙又太過隆重，所以襯番casual啲囉。」問到父親可會呷男友醋？芷晴即問男友Jimmy：「你覺唔覺呀？」Jimmy指不覺得：「芷晴daddy對我好好。」兩人又指剛才是由黃日華揸車載他們來。