名人:收復失地!諸葛紫岐一星期賺7位數

20170821
東網電視
更多新聞短片
生日快樂!

早前自爆炒股損手「入肉」的名媛諸葛紫岐,在短短一星期已收復失地賺七位數,開開心心過34歲生日!昨日(20日)34歲生日的諸葛,在丈夫薛嘉麟的悉心安排下,搞了一個別開生面的生日飯局和親朋共聚,現場布置有諸葛最喜愛的卡通人物麵包超人。是次生日飯局有雙重意義,除了是諸葛的生日外,同一天更是薛嘉麟的爺爺96歲農曆生日,所以兩位壽星齊齊慶祝,薛爺爺更開心得在現場大派利是,諸葛的兒子更親自畫畫作為母親的生日禮物。

同老公財政獨立

諸葛接受東網訪問時,被問到其生日願望?她說非常簡單:「冇乜好特別嘅願望,我嘅願望只要一家人開開心心,身體健康已經好夠,呢啲係錢買唔到,有乜嘢係重要過快樂同健康?我真係唔需要話要買啲乜要啲乜。(老公送咩?)哈!好多愛囉!(送樓?)唔需要嘞!當然佢真係送嘅話,我係唔抗拒,哈!我唔會叫佢送樓,向來大家財政獨立,男女財政獨立好重要,唔可以話結咗婚就靠晒另一半,自己都要做番啲嘢貢獻吓社會。大家好似比賽咁,各有各嘅生意同投資!」

早前諸葛自爆炒股失手,被問到現在戰績如何?她說已收復收地,並在一星期賺了七位數,她說:「一星期已經賺番。(七位數?)都有嘅。所以今個生日都幾開心㗎!(之前損失,老公有否擔心?)我投資股票咁多年,老公知我一向有分寸唔會亂嚟,佢係穩陣派好少炒股,反而佢好喜歡做生意,朝早七點返工,夜晚七點先離開公司。」

同媽咪二人世界

被母親視為掌上明珠的諸葛,直言稍後會跟母親「二人世界」來個母女旅行團,作為母親給她的生日禮物,她說:「媽咪話由我選擇地點,由細到大媽咪都好錫我,就算到而家,大家都會拖住手、攬吓錫吓,喺佢心目中我永遠都係小baby,好似兒童節咁,佢都會送禮物畀我㗎!」