譚芷昀《全美一叮》詳細評語全面睇

9歲香港「小巨肺」譚芷昀（Celine Tam）於美國才藝比賽真人騷《全美一叮》（America's Got Talent，AGT）半準決賽現場表演天后瑪莉亞卡里（Mariah Carey）與已故天后雲妮侯斯頓（Whitney Houston）合唱的電影《埃及王子》（The Prince of Egypt）主題曲《When You Believe》，首個發言的評判Mel B批評她表示：「我覺得呢首歌對你嚟講太難唱，我其實覺得你係叻嘅，我只係想你揀過另一首歌，我係愛你嘅。」觀眾聽到她負評後隨即喝倒采。

不過其他評判也維護Celine，Heidi Klum表示：「唔係唔係唔係，忘記晒佢（Mel B）頭先講嘅嘢！你係最可愛嘅小東西，把聲仲係天真無邪，我睇好你可以喺百老匯劇、電影同音樂上發展！你做得好好，要覺得自豪。佢得9歲咋！」Howie Mandel表示：「佢得9歲，我諗呢個就係重點，就係可貴嘅地方，佢把聲唔係好修飾，但就係咁，佢係一個好有魅力同好美麗嘅奇迹。」主腦Simon Cowell亦同意：「要記住佢只得9歲！你揀親嚟唱嘅都係金曲，尤其係下半部份控制得好，雖然你開頭有少少緊張。同埋你企喺個好似個蚌嘅嘢上面，個蚌仲好似要食咗你咁！」

Celine被Mel B批評後，有點眼濕濕，四名評判發言後，主持Tyra Banks問Celine有甚麼想說，Celine遲疑一會後，靦腆地表示：「我只係想美國投我一票！」