陸詩韻「毀容」搭巴士港鐵　嚇爆途人

由藝人轉型「女強人」的陸詩韻（Sharon）成立個人美容品牌接近兩年，為省令招牌，老闆娘詩韻早前親自上陣做模特兒拍攝宣傳片，主題玩味十足，她更親自敷上「熔岩」Look面膜走訪香港20多個不同地方。

遊走鬧市

拍攝當日，詩韻戴上仿照「熔岩」面膜製成的道具Mask遊走多個鬧市，以及乘搭公共交通公具，其中包括銅鑼灣大馬路、停車場、巴士及港鐵車廂等。當眾化身「熔岩女神」後狀似「被毀容」，嚇窒不少途人，其中有路人高呼：「好得人驚呀！」令她相當尷尬。

事後，變回靚樣示人的Sharon接受訪問，她表示：「呢個道具Mask係我搵整道具嘅朋友造嘅，不過道具Mask陣怪味好難聞，所以我一直戴住要忍受陣味。」

自我催眠避尷尬

不過數到最大挑戰，莫過於Sharon要放低「美女包袱」當眾敷面膜：「對我嚟講真係好大挑戰，因為望落去好似畀人毀咗容咁，最尷尬係喺港鐵站，好驚撞到熟人。雖然個樣係好得人驚，但呢個面膜效果好好，我敷完佢之後，斑淡咗、毛孔細咗，皮膚仲白咗。」

Sharon又笑言這是人生最尷尬的一天，幸好她懂得「自我催眠」化解尷尬：「真係好尷尬難堪，話晒我都係個靚女嚟㗎嘛！好彩我做緊呢個動作時係合埋眼，我乜都唔諗、乜都唔理，只想快啲過咗嗰幾十秒，就繼續去下個地點，咁就冇事啦！」