港姐：黃凱琪唔要大胸「我鍾意身高多啲」

候選港姐2號李清心（Katarina）和7號黃凱琪（Suki）聯同其餘八位佳麗在銅鑼灣出席無綫《2017香港小姐競選》活動。問及是否自小已經貪靚，Katarina就指自己細細個已經偷偷地玩媽媽的化妝品及高踭鞋。問到幾時開始自覺係靚女，她笑謂：「發現有人稱讚已經係中學時。（小學唔靚？）小學啲牙唔齊。」至於是否一直都多追求者，她坦言最多試過同時有兩個男仔追：「但冇一齊，唔係個個追你都要一齊嘛。（收佢哋做兵？）未有呢個福分。」

而提到Suki在活動中用一分鐘介紹豐胸乳液，問Suki有否用過類似產品，她坦言沒有，更指對現時自己身材滿意。記者笑指上圍應愈大愈好，她即謂：「邊個話㗎？（好多女仔都成日晒出嚟。）咁佢哋呢方面有優勢。」又指身高是自己優勢，優勢一樣就好夠：「兩樣畀我揀，我鍾意身高多啲！」