林海峰葛民輝合體開騷睇天意：要批先得

林海峰與葛民輝出席電台活動，問到會否再合體開騷？林海峰說：「唔係話想開就開，佢要批畀你先得。」隨即搞爛gag說：「我哋要嘅日子係兩、三個月，應該批唔到咁長日子。（真係冇諗過搞騷？）等天安排，天有不測風雲。」

對於電台加入新人，問到怕不怕被搶飯碗？林海峰說：「我哋都係新人要再培訓，每日都覺得自己好新，我哋要尊重後輩，希望後輩畀多啲機會前輩，我哋繼續努力。（驚後浪推前浪？）要向後浪學習。」