黃樂欣開騷出意外　醒目執生化解危機

唱作歌手黃樂欣（Chaelia）早前舉行兩小時小型個人音樂會，總共自彈自唱了17首歌曲，她主要獻唱英國女歌手Birdy的歌曲以及自己的原創歌《timeless》，吸引多位粉絲到場支持。Chaelia直言今次表演非常高興：「之前主要都係自彈自唱，今次就有結他手同鼓手幫我伴奏，所有歌曲都變得豐富咗好多，令我愈唱愈投入，我哋夾咗兩三次就好有默契。（有冇咩趣事發生？）有一首歌本來係四拍，到表演嗰時突然轉咗做三拍，好彩大家臨危不亂，好醒水咁轉咗個感覺同唱法，台下冇人聽得出！證明我哋執生技巧OK！哈哈！」