港姐：何依婷着兩件頭泳衣拉筋險走光

《2017香港小姐競選》十位候選佳麗在黃竹坑一間泳店以兩件頭運動泳裝示人。由於天雨活動移師到室內進行，由前港隊游泳代表蔡曉慧教授熱身拉筋技巧，但1號何依婷在學習拉筋俯身時幾乎走光。

加倍小心防走光

星期日將舉行決賽，何依婷表示在屋企「秘密練兵」會對住鏡子練習笑容和口才，以應付決賽問答環節。何依婷一向口才不俗，可有信心憑口才搶分？她笑說：「唔好咁講，要睇整體表現，都有信心，希望決賽當晚能台上將兩個月所學到嘅嘢展示出來。」提到她在學習拉筋俯身時幾乎走光，何依婷表示：「冇留意，之前試過泳裝啱身嘅，相信唔會走光，不過之後着泳衣都會加倍小心，始終走光嘅觀感唔好。」

唔擔心問答環節會輸蝕

8號伍樂怡（Kelly）表示備戰最重要是放鬆心情，會找屋企人問她問題，練習反應及應對。問伍樂怡可擔心遇到刁鑽問題？她笑說：「最緊要係訓練轉數，到時遇到咩問題都可以應付，自己談吐方面都有進步，對自己有信心，亦好興奮期待決賽來臨。（問答環節會唔會輸蝕？）唔會，自己好期待問答環節。（男友會唔會捧場？）唔會，佢會喺外面同朋友睇，父母就會喺現場支持。」