鄒兆龍疑背妻偷食　爆料者忽然狂刪微博

現年50歲嘅武打演員鄒兆龍，因演出電影《九品芝麻官》「常威」一角而為人認識，而佢太太就係1989年「最上鏡小姐」翁為德（前名：翁慧德、翁維德），不過近日就有一名自稱曾與鄒兆龍有過一段甜蜜關係嘅女子開咗一個名為「鄒兆龍出軌記錄」嘅微博帳戶，仲喺呢個微博上載摸腳底相同露骨語音對話，仲話自己發微博原因係鄒兆龍「攤牌」後唔認人，所以想公開對方真面目。

該女子曾發文講過如果呢幾日等到一句對唔住，佢就會清空微博，而喺今日下晝，呢個微博帳號就突然刪除連日嚟嘅所有發文、相片同語音，只留低一個尋日（27日）朝早發嘅發文，寫住：「沒有任何協商　得饒人處且饒人 ​​​​」令網民猜測女方係咪已經接受咗道歉。