吸靈氣？李蕙敏奉勸打風唔好行山

歌手李蕙敏到荃灣錄影奇妙電視節目《中伏》分享過去「中伏」的經驗，她笑說：「行咗好多冤枉路先有今日。（去登台試過有人走數？）咁就少啲，但係有啲古怪要求，好似去到現場先叫收平啲，寧願我唱少首歌，細個一舊飯唔識世界，依家就唔會中招。」

問會否向節目主持堪輿學家蘇民峰請教流年運程，她笑言與對方另一半相熟，會否請教要視乎對方心情，而近年她開始對風水感到興趣，對於氣場會影響生活，有時行山順便吸收靈氣。

問有否留意有人打風照去行山的新聞？李蕙敏說：「知道！咁係好唔應該，平時都會有危險，打風就更易有意外，奉勸佢哋唔好，我細個住中環，都有留意塌樹問題，近排香港都好多冧樹，希望當局要留意。」