鄧雅瑜做硬怪獸家長　仙樂都爆患活躍症

性感女星「仙樂都」吳堯堯（YoYo）與前珠寶小姐鄧雅瑜（Ayu）以評審身份出席兒童模特兒比賽，Yoyo穿上低胸吊帶裙晒其豐滿身材。二人表示很喜歡小朋友，Yoyo說：「我依家仲未有對象，生小朋友方面就要交畀Ayu。」但已婚兩年的Ayu表示未準備好，希望明年成事。

YoYo努力搵緊另一半

問Yoyo會否考慮雪卵以便生育小孩，她說：「我諗唔使，應該就嚟識到男仔，我都好努力識緊。（多唔多男仔追你？）有識吓朋友咁囉。」她表示以前曾患上過度活躍症，覺得活動有意義：「在場有啲小朋友同我一樣，以前年代成日畀人覺得曳，依家知識多咗，啲家長識分自己小朋友有咩唔同。」

而Ayu除了擔任評審外還會教小朋友行Catwalk，她說：「有啲小朋友好聽話，但有啲就百厭。睇少一眼見到個男仔拎支水淋隔籬個同學。（你有冇耐性？）都有，我會覺得又嬲又好笑，仲有個小妹妹話自己有男朋友，又見到有個男同學攬住個女仔，我即刻分開佢哋，覺得好好笑。」

Ayu韓國接受訓練

Ayu不諱言自己將來會是個怪獸家長，因為會對小朋友緊張：「依家啲小朋友都學好多嘢，學少樣又好似差啲咁，不過我都驚佢哋辛苦，都諗唔到到時會點。」問是否到韓國發展？她表示早前在當地比賽逗留了一個月：「同40個唔同國家嘅Model一齊Training（訓練），啲儀態同舞台比較國際化，同香港有唔同。」

-------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/pu9n2hV