杜沚諾遭梁皓恩連環掌摑:佢不停講Sorry

20170829
東網電視
更多新聞短片
杜沚諾呢次就同梁皓恩一齊拍MV!
藝人杜沚諾(Kento)最近為組合Robynn & Kendy新歌《急救中》MV擔任男主角,MV甚有故事性,講述兩位女主角同時死去,但獲「天神」容許其中一人復活,由她們決定「重頭開始」還是「重新開始」,最終飾演Kento女友的梁皓恩(April)放不低感情,另一女主角讓給她復活。Kento直言拍攝相當有挑戰性,當他見到April翻生後要爆喊,拍攝前他也擔心會否不夠時間培養情緒,但一Roll機即火速入戲「嚟料」,眼淚猶如開水喉一樣,他說:「April好專業,大家互相畀到戲,加上故事氣氛好感人,好容易喊出嚟。」
而另一場戲Kento則要被April掌摑,期間因要試位及多角度拍攝,Kento被摑足多次,臉上掌印都不用靠化妝:「不過拍出嚟畫面好靚,臉上少少痛都係值得嘅,搞笑係April打之前同之後都不停同我講對唔住。」Kento表示今次拍攝最開心是認識到一班專業團隊,大家能夠用最短時間做到最好的表現,一日之內拍攝多個場景並不容易,幸好台前幕後所有人都非常專業,拍攝非常順利,導演絕對是居功至偉。