預告自資出EP 李璧琦帶養女遊樂園

20170829
東網電視
更多新聞短片
李璧琦(左圖右)帶咗助養三年嘅養女柳春去主題樂園玩。
藝人李璧琦(Becky)帶助養三年的養女柳春到主題樂園遊玩,並送上由各地粉絲所贈的禮物給「女兒」,逗得小女孩相當開心。講到Becky見到小女孩即母愛大發,她笑說:「每次見到佢都自然流露,好想攬攬佢,佢每年都送卡片畀我,好窩心。(會唔會都恨成家立室生番個?)每個人都會想,現階段我想透過我嘅工作,用音樂去分享愛。我自己出錢製作一張EP,會喺加拿大推出,當中有一首歌同MV都係我到廣西探柳春嘅片段。(唔喺香港出?)之後喺香港會有其他類型作品,等11月會有新計劃,之前去咗台中出活動,有當地粉絲知道呢隻EP,都話會支持我,包起100隻,仲有加拿大、泰國嘅朋友,最開心係件事得到世界各地朋友嘅響應。」
講到在主演的無綫熱播劇《同盟》中與敖嘉年有多場親熱戲,Becky笑言不會尷尬:「嘉年都有着條短褲嘅,只係動作上有啲配合,平時大家去沙灘都咁着啦!但嘉年又好紳士,提我避免走光仲會主動借位幫我遮。(最性感一次?)第一次咁性感,估唔到反應咁大,希望留到口碑,大家一年後都仲會講番起呢套劇。」