黎燕珊笑看同羅霖大和解:坐埋就交流吓

20170829
東網電視
更多新聞短片
咁咪好囉!

在昨晚汪明荃演唱會上,曾傳出不和的黎燕珊和羅霖孖住撐場,兩人排排坐,不時有傾有講,被網友稱為世紀大和解!

阿珊接受東網訪問,對於跟羅霖冰釋前嫌:「其實都已經喺其他場合碰過頭,大家都冇乜嘢喇,都應該向前看,唔需太介意,今次係因為鄭明明女士買咗飛請埋佢地一齊睇騷,既然咁啱坐埋一齊就交流吓啦,都係好簡單嘅事!」

羅霖接受訪問則說:「鄭明明請我哋去睇,佢仲請我哋上台同阿姐慶祝生日,(你同阿珊坐一齊,之前你哋鬧過不和?)冇嘢,其實唔係咩大件事,過咗咁耐,我哋兩個都係單親媽咪,為啲小朋友努力工作,祈求佢哋讀書有好成績,身體健康,我都咁嘅年紀,睇得好化,其實好小事,只係有啲誤會。」

對Liza的演唱會,羅霖坦言好佩服對方,她說:「佢70歲keep得好好,又唱又跳,我呢個年紀叫我連唱幾首歌都未必得,Liza真係好有毅力。」她大讚Liza姐操到有肌肉,又唱《Pink Lady》又唱粵曲,啟發她要不停增值自己,甚麼年紀都要努力去做,才可以去競爭。