休團前個唱搶飛 C AllStar「分飛宴」叫苦
組合C AllStar出席無綫節目《C AllStar泰空曼遊》記者會,這是四子休團前最後一次的出埠合作,今次到泰國拍攝外景逗留了十數天。成員安仔表示:「有好多難忘經歷,試過凌晨3點起身去水上『供僧』,拜象佛祈求演唱會順利。」

由於成員釗峰即將踏入31歲,大會安排了生日蛋糕搶閘慶生,至於他的生日願望是「人人有飛睇演唱會」:「有投訴話買唔到飛。(加場?)暫定兩場,公司好似未有咁嘅打算。(最怕幫人留飛?)『分飛宴』嘅時候應該最慘,大家又要前排、又要想同邊個坐,真係好難搞。」