阮頌揚扮魔王怕嚇親細路:好彩佢哋鍾意
國藝旗下藝人阮頌揚(Brian)早前完成了一連五場的音樂劇《愛麗斯夢遊仙境:夢想之城》,觀眾反應熱烈相當受歡迎。劇中飾演邪惡軸心蝙蝠魔王的Brian坦言一開始演大壞蛋也擔心小演員或小朋友觀眾會害怕跟他接觸,幸好在排練過程及表演中,小朋友友都十分喜愛魔王角色,他謂:「呢個劇有好多小朋友嚟演,佢哋對我呢個蝙蝠魔王角色,又愛又恨,大家相處好開心,排到後期,佢哋話唔捨得我,真係好開心。」

對於蝙蝠魔王能「俘虜」小朋友的心,Brian感謝兒歌天后李紫昕(Purple)及方法演技。創辦人余俊峰對他演繹魔王這個角色有信心,阮頌揚表示:「佢哋教咗我好多嘢,令我覺得自己的經驗值又增加咗,亦非常感謝鍾景輝老師(King Sir)的意見及指導,令蝙蝠魔王能帶給小朋友歡樂。」

Brian今次是首次演出音樂劇,他笑言感覺既興奮又刺激,他謂:「因為做音樂劇要唱跳演三樣嘢做齊,難度真係幾高,我仲要跳一隻好快嘅勁歌,開始練嘅時候發覺自己冇乜氣,經過半個月嘅訓練慢慢開始OK,係一個好好嘅經歷。」