【網民嗌唔夠喉】曹格老婆晒腿勁吸睛

馬來西亞歌手曹格嘅太太吳速玲婚後一直都專心照顧一對仔女，一有時間就會帶佢哋周圍去。而吳速玲最近就喺社交網站上載咗幾張新相，但今次見唔到佢嘅一對寶貝仔女，似乎佢係撇甩咗老公同仔女出遊。

相中所見，身穿泳裝嘅吳速玲着住外套收起驕人上圍，不過勝在有一對修長美腿任睇夠晒養眼。另一張相就見佢伸脷大頭自拍，但一班網民唔多夠喉，仲留言叫佢影全身相，大方騷吓佢嘅美好身段，亦有網民大讚吳速玲保養得宜，仲問佢一對仔女係咪交低咗畀佢老公照顧添！