名人:睇唔出!諸葛紫岐自爆愛玩飛車

20170901
東網電視
更多新聞短片
Marie話佢細個好鍾意飛車。

娛樂公司老闆諸葛紫岐(Marie)戴上九卡巨鑽戒指出席活動。Marie表示讀書時候很喜歡賽車:「都鍾意飛車改車嗰啲,試過喺加拿大山上飛車,點知隔籬車嘅中學同學撞車,返轉頭搵佢架車唔見咗,但好彩個人冇事,但香港唔會啦,好少地方,特別生咗小朋友安全要緊。(有咩Dream Car?)細個會鍾意車,依家年紀大咗唔想成日轉車。」Marie大爆老公薛嘉麟害怕坐上她所駕駛的車:「佢會唔敢望前面,因為我開得好快。(老公有冇送過車畀你?)冇呀,但前排生日爸爸送咗架車畀我。(咩車?)未知住,留番我喺美國揸。」

而早前有報道發現內地有超級惡菌,問到跟老公上大陸時會否小心點,她說:「之前一家人上過大陸,老公就胃痛,但食咗藥就冇事,之後我同個仔去檢查咗都冇事。(有咩預防措施?)平時我食飯都用公筷,同人講嘢都會保持適當距離。(帶口罩?)未至於要咁,最緊要安全啦。」講到兒子薛華韜已於8月11號開學,所以她不用特地去接送上學。