姚子羚着Bra Top谷胸　晒三吋事業線！

藝人姚子羚和陳山聰在尖沙咀出席運動電子產品活動，其中子羚更以運動Bra Top谷胸騷三吋事業線，搞到專程捧場的粉絲尖叫連連。提到首次情侶檔出活動的他們，同為「Crazy Runner」成員，問是否跑完步才出騷，子羚答謂：「冇呀，要化妝整頭，尋日諗住做Gym都冇時間。」山聰則指今朝好攰起唔到身：「尋日朝早六點入咗萬宜水庫跑，今日晏啲會跑，跑完先返工。」

提到他們昨晚在無綫熱播劇《同盟》中終於成婚，正式做令生、令太，子羚即謂：「好感動！我都睇到眼濕濕！」而山聰則指該幕勾起他到台灣拍攝的回憶，更透露子羚對他又摑又攬是對方加戲：「打者愛也！」兩人亦感謝觀眾支持他們演情侶，更希望繼續以情侶檔出騷搵銀。

--------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/XCwLNP