因為老竇關係?周永恒揭同周啟生擘面之謎

20170902
東網電視
更多新聞短片
Roy與阿叔擘面原來有內情!
歌手周啟生對姪仔周永恒與朋友被傳抵達澳洲時,在航機上被警察帶走問話,表現決絕堅拒跟姪兒扯上任何關係,而周啟生再接受東網訪問時,問到是否跟十五年前跟親姪薪酬上出現拗撬有關?他表示:「你問佢(周永恒)Daddy同佢自己啦!」
其實兩叔姪曾關係密切,當年Roy是由周啟生帶入行,更擔任其經理人,可是Roy推出唱片後,兩叔姪傳出因薪酬問題而反目,當年周啟生公開數臭周永恒說:「從今日開始再唔係佢經理人。」
不過,Roy三年前發生家暴及婚外情風波時,周啟生只是避談,不似如今態度如此強硬,擺明要「割席」,Roy接受東網訪問時暗示,成了自己父親跟阿叔之間的磨心:「如果我同我細佬有意見不合,我都唔會有興趣知佢細路仔嘅事,近十年連拜年嘅時候都少見到,一家人冇話憎唔憎,啲老人家見到會唔開心,和和氣氣就好。」問他可會嬲過阿叔?他說:「我淨係可以講我好欣賞我阿叔嘅音樂,好想同佢有機會合作,但係我嘅音樂水平永遠都唔會有佢咁高啦,冇佢咁勤力。」又指周啟生是其偶像,很想叔姪有合作機會。